Último reto da fase en liña!
RETO 3: Cerebro vs máquina
Expresádevos visualmente, enchede de arte e cretividade o mundo da neurociencia e a saúde mental
Data de lanzamento do terceiro reto: 24/03/2025
Data límite de presentación: 24/04/2025
O terceiro reto consiste en confeccionar un póster (físico)
Dimensións máximas: 100 ancho x 120 longo, sobre un soporte de papel groso, cartón, madeira… (que non sexa moi difícil de transportar)
Botádelle arte!
Non escatimedes en creatividade. Non só se trata da mensaxe: a orixinalidade, o impacto, o resultado visual, tamén contan
Divulgade!
Ademais do aspecto visual e artístico, a vosa obra ten que representar unha información relacionada coa temática da neurociencia e a saúde mental e co visto nos anteriores retos
Enviade fotos do resultado da vosa creación
Facede uso do formulario que atoparedes nesta páxina máis abaixo ou a través do correo atrevete@galiciencia.com. Podedes incluír, se o vedes necesario, un pequeno texto explicativo
As mellores obras serán expostas nos días da Galiciencia
Escolleremos localizacións verticais ou horizontais (mesas) segundo se axeiten ao formato das vosas creacións. Por iso tedes que pensar na consistencia e na viabilidade para seren transportadas e colocadas. Sensibilidade artística si, ... pero que non se pasen de delicadas!
Ponde esa rede neuronal en modo imaxinativo
Empregade calquera material que se vos ocorra: pintura acrílica, acuarelas, papel de cores, adhesivos, purpurinas, plásticos, incluso dádelle volume ou relevo (sen pasarvos) con impresións 3D, cartón, madeira, xeso, metal... sorprendede!
A limitación máis importante é a de ter moito coidado con utilizar materiais con contidos protexidos por dereitos de propiedade intelectual ou que conteñan datos persoais sen permiso.
Enviade as fotos do voso póster a través do seguinte formulario
Se experimentas algún problema, recorda que podes envialo tamén a través do correo atrevete@galiciencia.com
